Menu

Ro

Post Rock Instrumentala

[Kutxa Kultur Musika 2018-2019 programak, “Katapulta Tour Gipuzkoa 2019″ zirkuitorako aukeratutako artista.]

RO Azkoitiko matadero zaharrean jaio zen 2017ko udazkenean; Uso (bateria), Iker (baxua), Alkalde (gitarra), Gontxalo (gitarra) eta Iraeta (pianoa eta syntheak) elkartu zirenean. Ia urtebetez lokalean euren soinu eta melodiak laboratu ostean, 2018ko udan sentimenduz beteriko lau abesti munduratu zituzten; “Ilhunbean esanak”, “Ilhunbean eginak” , “ErROnkari” (intelude) eta “Aikor”. “Aikor”-ren bideoklipa Fujiko Nakaya artistaren lanean inspiratua izan zen.

ROn musika Post Rock Instrumentalaren itsaso zabalean sakonera ezberdinetara igeri egiteko gai da bertan entzulea harrapatuz eta berarekin batera bidaiatuz.

2018ko udazkenean Andoainen ekin zioten kontzertuak emateari. Harrezkero, euren aztarnak utzi dituzte Tolosan, Azkoitian, Durangon, Azpeitian, Zestoan, Eibarren, Urretxun, Donostian, Errenterian…

Azkeneko hilabeteetan, 2020an argitaratuko duten 5 abestiz osatutako diska berriaren grabaketa-lanetan ibili dira.
Azaroak 29an, “TENK” izena duen single berria kaleratu dute eta urte amaieran beste bat argitaratuko dute.

Bandcamp: rosoinuak
Instagram:
 rosoinuak
Youtube: Ro Soinuak
Facebook: Romusika