Menu

FederArte Pro Zarautz

GSF / ZARAUTZ

2016ko azaroan, GIPUZKOAKO SURF FEDERAZIOA (GSF) historiako une okerrena pasatzen ari zen eta bere jarraipena zalantzan jartzen zen. Surflariek Surf Federazioarekiko zuten identifikazio ezak eta proiektuarekin jarraitzeko kudeatzaile faltak, krisi motibazionala sortu zuen surflari komunitatearen artean.

Testuinguru horretan, boluntario modura, emakumez osatutako lehenengo zuzendaritza batzarra izendatu zen. Federazioaren identitatea aseguruarengandik aharantza ematea zen helburu nagusia; surfa kirol modura hedatu eta bizimodutzat finkatzea hain zuzen ere. Horrela, FederArte EUSKAL SURF KULTURA proiektua sortu zen. Surflari komunitatean dauden alderdi artistiko guztietako talentuak detektatu eta txapelketa eta ekitaldi kulturalak eszenatokitzat erabilita hauek argiztaraztea du helburu proiektuak. Beraz, Federazioaren izaera berriztatzeko eta Kirol Federazio erreferente bihurtzeko aukera bikaina izan zen GSF-ren krisia.

QS PRO ZARAUTZ 2017 izan zen proiektuaren ibilbidearen lehen ekitaldia. Bertan hasi zen martxan formatu berria: kultura eta kirolaren bateratzea. Testuinguru berri horretan eta formatu berria medio QS PRO ZARAUTZ Espainiako oihartzun handiena duen txapelketa izatera bihurtu da.

Esperientziaren bidez, GIPUZKOAKO SURF FEDERAZIOAK eta EUSKAL HERRIKO SURF FEDERAZIOAK  Euskal Herri osora hedatzea erabaki zuten. Horrela, ekimenak Gipuzkoako kostako bost herrietan eta Bizkaiko bitan eramango dira aurrera 2018an. Surfing onenaren eta surflarien kulturaren erakusleiho bihurtuko dira, sinergiak aprobetxatuta eta Euskal Kulturan integratuta.