Menu

2018 Maiatzak 27

AZPEITIA / SANAGUSTIN

EKITALDIA > KATAPULTA TOUR GIPUZKOA 2018
AZPEITIA.
Kontzertua: NERABE + OSO FAN
Tokia: Sanagustin kulturgunea (Plaza Nagusia, Azpeitia)

Ordua: 19.00etan. / Sarrera irekia.

NERABE
Katapulta Tour Gipuzkoa 2018 zirkuiturako aukeratutako artista //
Donostialdeko musika talde ezberdinetako kide batzuk bildu ostean sortu zen NERABE, 2016 urtean, bestelako estilo musikalak landu eta euren taldeekin zerikusirik ez duen proiektu berri bati ekiteko asmoarekin. Borja Iriarte (Bateria) (Adrenalized), Ruben Ramos (Gitarra) (Cohen, Reuben RG), Xabier Arratibel (Gitarra, Teklatuak) (The Animal Within, Arrow & Bone), Iñigo Ozaeta (Bajua) (Blaka, Pelax) eta Sara Zozaya (Ahotsa)-k osatzen dute taldea eta 80. hamarkadako indie rock ukitu, erritmo dantzagarri eta abesti zuzenekin datoz, ahots bereizgarri bat lagun. 2017ko udan “Toki-on” izeneko lehen abestia Álvaro Remacha-ren estudioan grabatu eta Azaroak 9an kaleratu zuten. Izen berdineko lehengo single-a, oraintxe, Top Gazteako zerrenda buru da, Euskadiko irratirik entzunena. 2018ko Otsailak 16an, bigarren single-aren bideoklipa atera zuten “Starting Point” izeneko abestiarekin, “Toki-on” diskako bigarren aurrerapen kanta.
“Toki-on”, NERABEren lehen diska, Maiatzak 4ean kaleratu da eta honen aurkezpen kontzertuak egiten dabiltza.

Web-orria: nerabe.bandcamp.com/releases
Facebook-orria: nerabeband

OSO FAN
Katapulta Tour Gipuzkoa 2018 zirkuitorako, Kutxa Kultur Musika programak aukeratutako artista//
Ezaguna da estatu mailan Giorgio Bassmattiren abestiak egiteko trebezia. Zuzenean ekitaldi handietan (FIB, Kutxa Kultur) jarri du bere bizarra eta ahotsa bere 20 urteko bidean, “Bassmatti & Vidaur” bikotearen kide gixa. Irrati potenteak (Radio 3) eta pop musika lantzen duten komunikabide esanguratsuenak (Jenesaispop, Rock de Lux) txalotu dute bere sormenaren aztarnak, bere kontzertuak “ez ohizkoak, gertukoak eta humorez betetakoak, abestiak alde batera utzigabe” bezala zehazturik.

Orain Bassmatti jaunak “Oso Fan” sortu du euskarazko abestiak lantzeko. Ingalaterrako eta Estatu Batuetako folk eta pop doinuen edertasunaren zaporeak erabiliz abesti propioak egiteko: Melodia goxoak eta abesti gozoak egiten, Estatu Batuetako folk berriaren (Elliott Smith, Bright Eyes) tankerak hartuz batzuetan. Dagoeneko bira ederrak eman du “Oso Fan”ek leku handietan (Bilboko eta Durangoko Kafe Antzokia, Iruñeako La Zentral, Azpeitiko SanAgustin, Zarautzeko Modelo aretoa…) eta taberna polittetan (Maitenia, Xauxar, Alboka,….). Japonian ere entzun dituzte zuzenean bere abestiak, han emandako biran!
Bere lehen diskoa “ 21´44´´ “ iaz argitaratu zen Xabier Erkizia ekoizlearen esku finak abestiak edertu ondoren. Bultzada ederra izango da seguru “Gure Bazterrak” 2016ko euskal musika taldeen lehiaketa irabazlea. Eta urteko zerrenda mamitsuetan (Badok, Mondo Sonoro) agertzea gauzak ondo eginda daudenaren adibide nabarmenena da.

Web-orria: osofan.bandcamp.com
Facebook-orria:  osofanfanfan

ANTOLATZAILEA:  KATAPULTA