Menu

2020 Martxoak 11

DONOSTIA / TABAKALERA

KATAPULTA ACTION > ERAKUSKETA TENPORALA:

Artista: OSKAR BENAS
Erakusketa: “Oskar Benas”

Tokia: Donostia, Tabakalera 4. solairua, Kutxa Kultur Plaza
Irekiera: 2020ko Martxoak 11
Inaugurazioa artistarekin bisitaldi gidatua: Martxoak 12 / 19:30etan.
Erakusketaren iraupena: Martxoak 11tik Apirilak 19ra

Erakusketa hau Katapulta Plataformak sustatuta dago Kutxa Kulturren kolaborazioarekin, eta Kutxa Fundazioaren babesarekin.

Oskar Benas ipurtarin eta sailkaezina da. Izaera nomada eta ibiltaria duena, euskal eszenako talde ugariren sortzailea izan zen 90eko hamarkadaren hasieratik; 2009an Bilbao Hiria Pop Rock Jaialdian gitarra-jotzaile onenaren saria jaso zuen eta Fermin Muguruza, Maika Makovski, Atom Rhumba edo Cabezafuego-ren bira-kide izan da; euskal artista grafiko eta musikari honen (Barakaldo 1975) sorkuntza-unibertsoa muga ezagunetatik harago doa eta aurreikus daitezkeen eremuez gain hedatzen da, nahiz eta batzuek oker defenditu eremu horiek setati esanez, abangoardiaren esparruan, baliabide teknikoak direla eboluzionatzeko aukera ematen diguten mezu bakarra. Ez dago ezer urrunagorik funts gabeko eta azken-azkenekoarekin hain kontsekuentea den kontsumismo horretatik, panorama oker deituriko independente horretatik, zeinaren gainean teorizatzen duten beren burua erdi-jainkotzat duten mukizu handiputzek.

Bere obra, bere argi-itzalekin, kaosaren ikuspegi mistikoa eta kosmosaren esperimentazio sentsuala batzen dituena, ezagutza-iturri agortezina da, emozioen sortzaile eta pertsonen arteko harreman beti bat eta betierekoen oinarri. Ez jaramonik egitea garai kaskar hauetako ergelkeria iruditzen zaigu, non garrantzitsuagoa baita antza izatea bere ondorio eta arrisku guztiekin berdingabea izatea baino. Emaitza benetako artelanak dira, sinestesiara gonbidatzen dutenak, eta, horietan, trebetasunak emozio-sentsazio sakonak sortzen ditu, poesia hutsa, erraztasun eta enpatia txundigarriz txertatuko dena bere burua estimatzen duen edozein maitaleren soinu-banda existentzial eta egunerokoan.

Erakusketa honetan ikusgai egongo dira, alde batetik, kontzertuetako karteletarako sortutako irudiak eta, bestetik, lan propioaren irudiak serigrafian eta edizio digitalean.

Web: www.oskarbegas.com
Facebook:  oskarbenas
Instagram:   oskarbenas